Arlinda Cenga, drejtuese e Shëndetit Global në Public Health England, deklaroi në një lidhje direkte në emisionin “Opinion” se Shqipëria mund të kalojë një periudhë të vështirë sa i përket shëndetit mendor pas krizës së koronavirusit për shkak të munesës së kapaciteteve.
Sipas saj Shqipëri ka 350 mijë persona që vuajnë nga probleme të shëndetit mendor por 85% e tyre nuk e flasin këtë problem.
“Ka të bëjë shumë me stigmën që është shumë e lartë në Shqipëri. Në Shqipëri ka 350 mijë persona që vuajnë nga probleme të shëndetit mendor. Kjo nuk flitet dhe rreth 85 % nuk marrin trajtim për problemet e shëndetit mendor”, tha Cenga duke shtuar se vendi ynë mund të vuajë mas pandemisë pasi “kemi numrin më të ulët të psikiatërve në Europë dhe kemi probleme me psikologët dhe psikiatrët pasi nuk janë të trajnuar për psikoterapi pasi mbarojnë univeristetin”.
Psikologia tha se problemet e shëndetit mendor që shfaqen me karantinën janë më shumë për ankthin, panikun dhe depresionin.
Dy faktorë se nga varet shfaqja e këtyre sëmundjeve janë kohëzgjatja e karantinimit dhe informacionet që japin autoritetet tha psikologia.
Ajo nënvizoi gjithashtu faktin se qytetarët duhet të sigurohen që lajmet ti marrin nga burimet e duhura dhe këtu duhet të ndëryjnë shërbimet shëndetësore shtetërore.
“Duhet të sigurohemi që lajmet i marrim nga burimet e duhura por edhe kjo është e vështirë në këtë kohë. Janë shërbimet shëndetësore shtetërore të cilat drejtojnë popullatën. Përvec ISHP në Shqipëri që ka bërë disa njoftime këto mungojnë në Shqipëri”, deklaroi Cenga.
