Pas Kinës, koronavirusi shpërtheu me ritme alarmante në Evropë, e cila është më e goditura aktualisht nga kjo pandemi, me Italinë në krye, ku kanë humbur jetën mbi 25 mijë persona.
Organizata Botërore e Shëndetësisë ka dalë me një të dhënë mjaft interesante, duke bërë të ditur se gati gjysma e personave që kanë ndërruar jetë të prekur me Covid-19 në Evropë ishin jetonin në azile.
Ky fakt është bërë i ditur nga drejtori rajonal i OBSH-së Hans Kluge në një konferencë për shtyp.
Pas Italisë, në Evropë renditet Spanja me 22 mijë të vdekur, Franca mbi 21 mijë, ndërsa Britania mbi 18 mijë.
Aktualisht, Shtetet e Bashkuara kanë bilancin më tragjik nga kjo pandemi, pasi kanë ndërruar jetë mbi 47 mijë persona të prekur me Covid-19.
