Kuvendi ka miratuar shtyrjen e Gjendjes së Fatkeqësisë Natyrore deri më datë 23 qershor.
Me 91 pro, 5 kundër dhe 36 abstenim, u miratua vendimi i qeverisë. Sipas relacioni të maxhorancës, “projektvendimi ka për objektiv garantimin e sigurisë së jetës së popullatës për shkak të përhapjes së infeksionit të shkaktuar nga COVID-19″.
Vendimi u miratua më herët gjatë javës në Komisionin e ligjeve, ku përfaqësuesit e qeverisë thanë se shtyrja e gjendjes së fateqësisë natyrore do të jetë në funksion të monitorimit të vazhdueshëm nga ana e qeverisë ndaj efekteve që do të shoqërojnë masat e reja lehtësuese të aplikuara nga qeveria për lëvizjen e qytetarëve dhe hapjen e disa bizneseve për dy javët në vazhdim.
