Emigrantët e karantinuar në një hotel në Korçë janë ngritur në revoltë duke u shprehur se nuk kanë mundësi për të paguar akomodimin në hotel.
Një prej të izoluarve prej disa ditësh në një nga hotelet e qytetit ka kërcënuar se do hidhet nga dritarja e ndërtesës. “Nuk kam çfarë humbas, do të hidhem sepse nuk kam me çfarë të paguaj”, është shprehur ai, ndërsa ka deklaruar se kryeministri Edi Rama po rikthen diktaturën.
Qytetarët e tjerë të cilët kanë qenë pranë kanë ndërhyrë për ta qetësuar.
Prej ditësh, emigrantët të cilët kanë ardhur nga Greqia dhe sipas udhëzimeve shtetërore janë karantinuzar në hotel, kërkojnë ndihmë financiare nga autoritetet.
