Presidenti i Napolit, Aurelio De Laurentiis, raportohet se do të kërkojë 100 milion euro për Kalidou Koulibaly, pavarësisht nga kriza financiare në futboll.
“Il Corriere dello Sport” shkruan se De Laurentiis nuk ka ndërmend të ulë çmimin e kërkuar për lojtarin senegalez, ndërsa kërkohet nga Manchester United dhe Paris Saint-Germain.
28-vjeçari është lidhur me një largim nga “San Paolo” këtë verë dhe drejtuesit e klubit napolitan duket se janë të gatshëm të ndahen me yllin e tyre nëse çmimi është i duhur.
Sezoni aktual ka qenë tepër I vështirë për koulibaly teksa ka pësuar disa dëmtime dhe ka luajtur vetëm 15 ndeshje.
