Ish-trajneri argjentinas i Dinamos, Luis Blanco, disa javë më parë rezultoi pozitiv me koronavirus. Gjendja e 60 vjeçarit fillimisht ishte e rëndë i cili për të marrë frymë kishte nevojë për respirator artificial.
Këtë gjendje të vështirë, Blanco, e ka lënë pas dhe tani po rikuperohet me ritme të kënaqshme edhe pse vijon të jetë i shtruar në një spital të Marbella, Spanjë.
“Unë dola nga kujdesi intensiv. Tani jam në rimëkëmbje, kam ajër të mjaftueshëm për të qenë në gjendje të flas, të eci. Kjo ishte si një kamion që të kalon sipër, por e mposhtëm. Dëshiroja t’ju dërgoja këto fjalë dhe falënderime për të gjithë ata që janë lutur për mua që t’ia dal mbanë. Ju dërgoj një përqafim të madh”, tha Blanko në një audio të publikuar në programin Dos në Punta de Mendoza.
#Fútbol Luis Manuel Blanco, conmovedor audio del DT desde Marbella.
Salió de terapia intensiva, tras superar la etapa más crítica del coronavirus. Comparto su mensaje@DosDePunta_Mza ¡Fuerza, Luis!@blancofutbol pic.twitter.com/geGAwKw37S— Juan Esteban Suraci (@juansuraci) April 22, 2020
