Ish-presidenti i Milanit dhe ish-kryeministri i Italisë, Silvio Berlusconi, i cili aktualisht është pronar i skuadrës së Monza-s, është përfshirë në debatin nëse duhet të luhet pjesa e mbetur e këtij sezoni të Serie A apo jo.
83-vjeçari është kundër idesë që futbolli të rifillojë dhe për këtë deklaratë ai ka dhënë edhe arsyet e tij duke thënë:
“Unë jam njeri i sportit, por tani e ndjej të them që në këto momente futbolli nuk është një urgjencë. Mendoj se është më mirë të flasim pas verës. Kam parë pjesërisht protokollet e miratuara nga ekipet mjekësore të federatës dhe shumë prej tyre kanë kushte të pamundura për t’u plotësuara nga klube të Serisë B dhe C”.
“Të luash pa tifozë është diçka e trishtë dhe për më tepër, futbolli është sport i kontaktit fizik, që rrit rrezikun e infektimit. Unë nuk mendoj se është zgjidhja e duhur rifillimi i kampionatit”. – ka thënë “kavalieri”.
