Agjenti i Kaka, Gaetano Paolillo , ka zbuluar se klienti i tij nuk ishte i interesuar për një transferim te Real Madrid në vitin 2009 dhe në vend të kësaj dëshironte të qëndronte te Milani .
Në krahun tjetër as klubi italian nuk ishte i interesuar të largonte yllin e tyre, megjithatë ata u detyruan ta shesin për shkak të situatës së tyre të vështirë financiare.
“Për t’ju thënë të vërtetën, Kaka nuk dëshironte të largohej nga Milani. Ai dhe familja e tij ishin duke bërë mirë në Milano. Sidoqoftë, klubi e vuri në shitje dhe në atë kohë Real Madrid ishin një zgjidhje e shkëlqyeshme”.
“Galliani nuk dëshironte ta shiste Kaka-n, por kjo nuk varej nga ai, klubi ishte në vështirësi financiare. Sigurisht, Real Madridi është gjithmonë Real Madrid, por mënyra se si shkoi karriera e tij te “Los Blanncos” të bën të mendosh për atë që ai i dha Milanit dhe si do të ishte karriera e tij me kuqezinjtë”.
