41 raste të reja me COVID-19 janë zbuluar në 24 orët e fundit në Maqedoninë e Veriut nga 649 teste të realizuara.
Pas këtyre rasteve numri total i të infektuarëve me COVID-19 në Maqedoninë e Veriut ka arritur në 1.300.
Nga rastet e reja, numri më i madh i të infektuarve është regjistruar në Shkup, gjithsej 17. Në Kumanovë janë regjistruar 11 të infektuar, në Prilep 5, Tetovë 3, kurse në Kavadrac, Gostivar, Kriva Pallankë, Kërçovë dhe Negotinë ka nga një të infektuar.
Gjatë 24 orëve të fundit, fatmirësisht nuk është shënuar asnjë viktimë, duke mbetur në 56 numri i të vdekurëve nga koronavirusi.
Ndërkohë, gjatë 24 orëve të fundit janë shëruar edhe 29 pacient, katër prej të cilëve kanë qenë në spital, ndërsa 25 janë kuruar në kushte shtëpiake. Me statistikat e fundit numri i personave të shëruar në Maqedoninë e Veriut shkon në 301.
