26 raste të reja me COVID-19 janë shtuar në Kosovë, pasi kanë rezultuar pozitiv nga 172 teste të kryera në 24 orët e fundit.
Lajmi u dha nga Instituti Kombëtar i Shëndetësisë Publike të Kosovës e cila konfirmoi se të total numri i të infektuarëve ka shkuar në 630.
Rastet e reja pozitive janë raste kontakti, tetë raste nga komuna e Kamenicës, katër raste nga komuna e Istogut, katër raste nga komuna e Pejës, katër raste me vendbanim Stubëll-Viti, tre raste me vendbanim në Ferizaj dhe me nga një (1) rast vendbanimet: Prizren, Godanc i epërm-Shtime dhe Zveçan.
Ndërkohë që janë shëruar dhe 10 pacientë të tjerë, duke e çuar në 138 numrin në total të personave që kanë fituar betejën me COVID-19.
Ndërsa 18 persona kanë ndërruar jetë për shkak të koronavirusit në Kosovë.
