Samir Nasri ka kritikuar trajnerin e Francës , Didier Deschamps për mos përfshirjen e Karim Benzema në skuadrën kombëtare për kampionatin Evropian dhe Kupën e Botës .
Pavarësisht se është i lumtur për arritjet e “Les Blues”, mesfushori i Anderlecht nuk mund ta kuptojë pse sulmuesi i Real Madrid nuk u thirr në ato turne madhor.
“Jam i lumtur që [Franca] fitoi Kupën e Botës 2018, por ka disa të meta,” tha ai gjatë një bisede “live” në Instagram.
“Deschamps mund të ndërtojë tre ekipe të një niveli shumë të mirë dhe unë kam të drejtë të mos më pëlqejë. Shikoni, unë kam miq që luajnë për ekipin kombëtar. Ata e merituan të fitojnë Kupën e Botës, por vendosni Pep Guardiolën te Franca dhe ju do të shihni se si do të luajnë ata. Do të shijonim spektakël,” Deklaroi Nasri .
“Nuk e kuptoj pse Benzema nuk luajti në Euro 2016 dhe Kupën e Botës 2018. Gjithashtu unë meritoja të isha në Kupën e Botës të vitit 2014, por nuk më morën. Zgjedhje të çuditshme”.
