Ish-ylli i New England Patriots, Rob Gronkowski, u tërhoq nga futbolli amerikan 1 vit më parë, fill pasi fitoi superbowlin e 53-të kundër Los Angeles Rams.
Por duket se kalimi i ish-shokut të skuadrës dhe mikut të tij, Tom Brady, te skuadra e Tampa Bay Buccaneers, ka bindur lojtarin që t’i rikthehet sportit të luajtur duke i habitur të gjithë në Amerikë.
Duhet thënë se 30 vjeçari, nuk e kishte përjashtuar një rikthim në futboll, duke deklaruar se mund të kthehej nëse miku i tij Brady kishte nevojë për të dhe pikërisht kështu ndodhi.
Gronkowski u tërhoq nga sporti pasi gjatë karrierës së tij të shkëlqyer, ai ka pësuar edhe dëmtime të rënda dhe sipas tij për një kohë të caktuar ka jetuar me dhimbje të padurueshme.
Rob Gronkowski cilësohet si ndoshta lojtari më i mirë në rolin e tij në historinë e NFL.
