Erjona Sulejmani aktualisht është një nënë single dhe e lumtur. Në një lidhje Skype në emisionin “Ftesë në 5” me Bieta Sulon, Erjona ka treguar se është izoluar në Spanjë së bashku me djalin e saj dhe shprehet se është me fat që kjo periudhë izolimi e ka gjetur pa një partner në krahë.
“Në jetën time nuk dua vetëm një mashkull që ka vetëm luksin por një person që ka vizionin e jetës si unë. Jam beqare dhe shumë e lumtur. Në këtë moment të vështirë mua më erdhi fati të jem pa burrë, jam vetëm dhe nuk duroj asnjë,”- ka thënë Erjona.
Gjithashtu tregoi se ka ndërmend të bëjë një fëmijë të dytë edhe nëse nuk do ketë një mashkull në jetën e saj.
“Kam idenë që të kem një fëmijë të dytë edhe vetëm. E kam një ide nuk e kam bërë plan real,”- tregoi ajo.
Kur u pyet nëse do linte familjen për dashurinë u përgjigj: “Një person që dëshiron të të largojë prej personave që ti do, nuk e do të mirën tënde. Nuk lë familjen time, fëmijën tim dhe njerëzit që dua për një dashuri.”
Ndërsa për një mundësi për tu rikthyer me një ish partner e hodhi poshtë.
“Ka ndodh shpesh që partneri pendohet. Nuk besoj tek kthimet. Nëse një person është sjell keq një herë zor që herë e dytë të mos bëjë të njëjtat gabime. Preferoj më shumë të jem single dhe e lumtur,”- u shpreh Erjona.
