Real Madrid është i përgatitur të ndahet me Luka Jovic në merkaton e ardhshme të transferimit dhe planifikon ta përdorë për të arritur te mesfushori i Napolit Fabian Ruiz.
Interesimin e Realit për spanjollin, më herët gjatë muajit e ka konfirmuar edhe agjenti i lojtarit, Alvaro Torres.
Burime pranë gjigandëve spanjollë kanë zbuluar për “Goal”, që Los Blancos po gjejnë mënyra për të ulur çmimin e mesfushorit 24-vjeçar dhe Joviç i cili vlerësohet me 50 milionë euro vlerësohet si një nga to.
Klubi napolitan kërkon 70-80 milionë euro për spanjollin, ndërsa futja e serbit në tratativa do ta ulte mjaftueshëm çmimin e tij. Gjithsesi për të mbërritur deri te Ruiz, Real Madrid duhet të bëjë llogaritë me klube si Barcelona, Liverpool-i dhe Man.City të cilët gjithashtu janë prej kohësh pas futbollistit.
