Një 29-vjeçar është gjetur i vdekur në Delvinë pasi prej të dielës u zhduk pa gjurmë teksa kishte dalë të festonte Pashkët. Dyshimet e policisë janë se i riu i ka dhënë fund jetës.
“Në orën 11:05, pranë vendit të quajtur ‘Kaminat’, dyshohet se është vetëvrarë me armë zjarri shtetasi E. I., rreth 30 vjeç, banues në Delvinë. Nga këqyrja paraprake nuk janë konstatuar shenja dhune apo dëmtime të tera veç asaj të shkaktuar nga arma e zjarrit. Në vendngjarje është gjetur një armë zjarri pistoletë e llojit TT, me të cilën dyshohet se është vetëvrarë. Grupi hetimor ndodhet në vendngjarje dhe po kryejnë të gjitha hetimet për zbardhjen dhe sqarimin e rrethanave të ngjarjes”, njoftoi Policia.
