16 viktima është bilanci i një sulmi me armë që zgjati për 12-orë në vende të ndryshme në qytezën e Nova Scotia, Kanada.
Mes të vrarëve ishte dhe një efektive policie me emrin Constable Heidi Stevenson, nënë e dy fëmijëve si dhe një oficer tjetër është në spital i plagosur.
Mediat vendase raportojnë se autori i masakrës, i identifikuar si Gabriel Wortman, 51 vjeç, u gjet i vdekur pas sulmit, i veshur si oficer policie.
Ai zotëronte pasuri të paluajtshme në Halifax, kryeqyteti i provincës. E gjitha filloi në Portapique, një bashkësi e vogël rurale 35 milje larg Truros.
Sipas mediave kanadeze, vrasësi, një dentist, ishte maskuar si agjent dhe kishte modifikuar gjithashtu makinën e tij për ta bërë atë të duket si makinë e policisë.
Ai ishte në arrati që nga e shtuna në mbrëmje, pasi policia kishte ndërhyrë për praninë e një personi të armatosur në fshatin Portapique.
Disa kufoma u gjetën në një bodrum.
