Sot do të nisë testimi serologjik për personelin shëndetësor dhe personat e infektuar me koronavirus që janë të shtruar në spital.
Gjatë inspektimit në laboratorin e mikrobiologjisë në QSUT, ministrja e Shëndetësisë tha se aktualisht janë siguruar 6000 teste serologjike, dhe personat e parë të cilët do ti nënshtrohen janë grupet e riskut.
Faza e dytë e këtyre testimeve pritet të bëhet në popullatë, testime të cilat janë mbështetëse për diagnozën e Covid 19 dhe matjen e nivelit të antitrupave në gjak.
Në një moment të dytë ky laborator në QSUT do të shërbejë edhe për kryerjen edhe të analizave për Covid 19, duke u bërë i dyti në Shqipëri pas atij në ISHP ku po kryhen aktualisht testimet.
