Janë zbardhur detajet nga rastet e reja me COVID-19 në Shkodër, të raportuara nga ministria e Shëndetësisë.
Mësohet se të infektuar kanë rezultuar një tjetër efektiv i FNSH-së, një shitëse dhe një pacient i spitalit.
Efektivi i FNSh-së është infektuar nga kolegu i tij i cili rezultoi pozitiv me COVID-19 dy ditë më parë.
Rasti i dytë që ka rezultuar pozitiv me COVID-19, mësohet se është një shitëse e një furre buke. Burime bëjnë me dije se ajo është e një infermieri të infektuar më parë me COVID-19
Ndërsa rasti i tretë është një paciente që ndodhet në reaminacion.
Burime bëjnë me dije se janë marrë rreth 30 mostra të reja në spitalin Rajonal të Shkodrës të cilat janë dërguar për ekzaminim në Tiranë. Monstra të tjera janë marrë edhe tek forcat e Ndërhyrjes së Shpejtë dhe tek familjarët e të infektuarve.
Në total, numri i të infektuarve në Shkodër ka shkuar në 99, ku 8 prej tyre janë personel shëndetësor.
