Kreu i Organizatës Botërore të Shëndetësisë, Tedros Adhanom Ghebreyesus Tedros Adhanom Ghebreyesus, ka paralajmëruar vendet që planifikojnë të lehtësojnë masat kufizuese në luftën kundër pandemisë së COVID-19, që të jenë të gatshme për reagim të shpejtë në rast se vjen deri te një valë e re e koronavirusit.
Tedros gjatë një takimi virtual me ministrat e Shëndetësisë së vendeve anëtare të G20, ka deklaruar se po e inkurajon fakti se disa vende anëtare planifikojnë të zbusin masat kufizuese për shkak të pandemisë.
Zbutja e masave kufizuese sipas tij nuk do të thotë se ka marrë fund eidemia e Covid-19 në cilindo vend, po thjesht ka filluar një fazë e re.
“Është e shumë e rëndësishme që në fazën tjetër, vendet të jenë më të edukuara, të angazhojnë dhe përgatisin qytetarët për të parandaluar dhe reaguar shpejtë në rast të ndonjë vale të re të koronavirusit. Të sigurojnë kapacitete të mjaftueshme për kryerjen e testeve, të izolojnë dhe kujdesen për këdo që infektohet dhe të gjurmojnë kontaktet që mund t’i kenë pasur”, ka shtuar ai.
Kreu i OBSH-së është shprehur i shqetësuar me forcimin e pandemisë së koronavirusit në vendet e varfra, të cilave u mungojnë resurset për luftimin me numrin e madh të rasteve pozitive.
