Tre viktima janë regjistruar nga COVID-19 në Maqedoninë e Veriut duke çuar në 54 numrin e rasteve që kanë përfunduar me fatalitet në vend.
Në Maqedoninë e Veriut janë regjistruar dhe 18 raste të reja pozitiv me koronavirus nga 263 teste të kryera. Numri i përgjithshëm i të infektuarve ka shkuar në 1225.
Numri më i madh i rasteve të reja është shënuar në Kumanovë (9), Shkup, Tetovë dhe Shtip nga dy raste ndërsa Veles dhe Gostivar nga një rast. Rasti i parë është evidentuar edhe në Pehçevë.
Ndërkohë që janë shëruar edhe 21 pacientë të tjerë, duke e çuar në 200 numrin e personave që kanë fituar betejën me COVID-19. 21 shërimet e reja janë 16 nga Shkupi, 3 nga Kumanova dhe 2 nga Shtipi, të gjithë kanë qenë në kurim shtëpiak.
