Sot janë nisur një tjetër grup me mjekë dhe infermierë drejt Italisë, për ta ndihmuar vendin fqinj në luftën kundër koronavirusit.
Ky është grupi i dytë që niset nga Shqipëria dhe mësohet se përbëhet nga 60 bluza të bardha.
Pak javë më parë, Shqipëria dërgoi në Itali 30 mjekë dhe infermierë, të cilët po shërbejnë në frontin e parë të luftës kundër COVID-19 në spitalet e Breshias.
Françeska, indermiere nga Fieri, tha për mediat se aplikimi ka qenë spontan pas thirrjes së Ministrisë së Shëndetësisë për t’iu bashkuar luftës kundër Covid-19.
“Duke parë situatën e krijuar si ktej dhe në Itali doja të ofroja ndihmën time. Më vjen mirë që kërkesa ime u miratua, jam shumë e lumtur.Punoj në një klinikë në Fier. Jemi rreth 60 veta mjekë dhe infermierë. Mbërritjen e kemi në Romë, se ku do të shpërndahemi pastaj nuk e di”.
