Trajneri i kombëtares së Italisë, Roberto Mancini ka befasuar me komentet e tij të fundit në lidhje me Zlatan Ibrahimovic.
Mancini nuk ka kursyer elozhet për suedezin sipas tij është në të njëjtin nivel me Lionel Messin dhe Cristiano Ronaldon.
“Zlatan do të mbahet mend si një nga sulmuesit më të mirë të të gjitha kohërave”, ka thënë Mancini.
“Unë e shoh atë në të njëjtin nivel me Lionel Messi dhe Cristiano Ronaldo. Ai fitoi ligën kudo që ishte, duke shënuar shumë gola dhe duke dhuruar spektakël”.
“Ai ka luajtur mirë edhe këtë sezon me Milan, por unë nuk e di se cilat janë planet e tij për të ardhmen”, ka thënë ndër të tjera Mancini.
Gjasat janë të mëdha që Ibrahimovic t’i jap fund aventurës së tij të dytë me Milan, pas fundit të këtij sezoni.
