Duket se portierit të Kombëtares shqiptare, Gentian Selmani, i është hapur “rruga europiane”.
Mësohet se për portierin 21-vjeçar, i cili është një nga lojtarët më të qëndrueshëm te skuadra turke e Menemenspor, ka marrë disa oferta nga Italia, Greqia, Rusia dhe Ukraina.
Për Selmanin, i cili ka edhe një vit kontratë me Menemenspor, janë të interesuar Bologna, Olympiakos, Spartaku Moskës, Krosnadar dhe Zorya. – raporton “HaberTurk“.
Këtë lajm e ka konfirmuar edhe trajneri i Menemenspor, Cenk Laleci i cili ka thënë:
“Portieri ynë është shumë i talentuar dhe i disiplinuar. Kështu që është shumë e natyrshme që të vijnë këto oferta. Sidoqoftë, tani përparësia jonë është të kalojmë me sukses epideminë e koronavirusit dhe t’i rikthehemi futbollit”.
Selmani, u transferua te skuadra turke e Menemenspor nga skuadra e Laçit në fillim të sezonit, dhe gjithashtu është grumbulluar për Kombëtaren tonë.
