Trajneri më i titulluar i Italisë në nivel klubi, Giovanni Trapattoni, ka folur për mikrofonët e ‘La Repubblica ’ teksa qëndron i izoluar në shtëpinë e tij për shkak të Covid-19.
81 vjeçari ka folur për gjendjen që ka shkaktuar coronavirusi dhe se si duhet të veprohet për ta përballuar sa më mirë këtë sëmundje.
Ish-trajneri i Juventusit dhe interit gjithashtu rrëfeu se i mungon futbolli që për të është një arsye lumturie.
Situata e coronavirusit- “Kjo është koha kur të gjithë duhet të mbyllen brenda, do të ketë kohë për të dalë. Tani duhet të mendojmë si qenie njerëzore, jo vetëm si Italianë apo Evropianë. Aktualisht situata është gri, shumë e vështirë, jam i shqetësuar. Nuk kam frikë për veten time, por për fëmijët dhe nipërit e mi. Të gjithë duhet të gjejmë forcë te njëri tjetri”.
FUQIA E SPORTIT- “Më mungon futbolli dhe sporti , që janë jeta dhe gëzimi. Jemi në një moment serioz, por jam i sigurt se sporti, me forcën dhe pasionin e tij, do të jetë baza e rikuperimit. Futbolli bashkon të rinjtë, shkon përtej ideologjisë dhe madje tejkalon politikën. Do të dalim më të fortë, do duhet ta rishikojmë këtë konsumizëm të tepruar”.
