Lajmet nga Italia janë që skuadrat do të rinisin stërvitjen në fillimin e muajit maj. Duke dëgjuar këto informacione, Ronaldo po përgatitet të rifitojë sadopak formën e tij fizike pas një ndërprerje të gjatë të aktivitetit futbollistik.
Së fundmi portugezi, ka kërkuar dhe u trajnua në stadiumin e Nacional. Siç raporton “A Bola” CR7 kishte kërkuar nga klubi një portier me të cilin të zhvillonte seancën stërvitore. Kërkesa iu plotësua nga Nacional, i cili i dërgoi portierin e vet 18-vjeçar, Filipe Gonçalves.
Një lojtar i ekipit të të rinjve, që tani ka një histori për t’u thënë miqve dhe të afërmve. Në fund të seancës ai mbeti vetëm me Ronaldon, i cili e sfidoi atë të godiste një nga shtyllat e portës (përfshi tranversën), duke vendosur bast me shumën simbolike prej vetëm një euro.
Ronaldo goditi i pari, menjëherë në shenjë. Djaloshi i ri, pranë dhomave të zhveshjes, iu afrua idhullit të tij dhe i dha euron e bastit të fituar, por dështoi. Një gjest që duhet ta ketë befasuar pesë herë fituesin e “Topit të Artë”, i cili refuzoi “dhuratën”. Ishte ai që pagoi, madje më shumë se një euro. Një ditë, që Filipe i ri nuk do ta harrojë kurrë.
