Ina Kollcaku e “Përputhen” është shprehur se dashuria e saj më e madhe ka qenë dikush që e ka dashur më shumë se sa ka dashur ajo veten. E ftuar në emisionin “Glamour Zone”, Kollçaku tha se nuk ka dëshirë të tregojë se si përfundoi lidhja me të, pasi mund ta marrë ai në telefon dhe mund të tradhëtojë edhe Gerin, personin që po frekuenton aktualisht pas njohjes në “Pëprputhen”.
Pjesë nga biseda
Ester Bylyku: Sa herë ke dashuruar në jetë?
Ina Kollçaku: Shumë. Unë nuk jam me besimin se të gjithë femrat dhe meshkujt janë njësoj. Në mosha të ndryshme ti kërkon diçka ndryshe. Kam kaluar dashuri të ndryshme dhe mosha ka ndikuar. Sa më shumë që ndryshon mosha, ndryshon edhe dashuria, pavarësisht se me mua ndahesh kot, ka gjëra që për të tjerët mund të mos jenë alarmante, por mua më prekin. Të gjtha ndarjet kanë qenë me kompromise dhe të dhimbshme.
Ester Bylyku: Cila ka qenë dashuria më e madhe për ty?
Ina Kollçaku: Kam pasur dikë që më ka dashur më shumë se e kam dashur unë veten time, më shumë se e kam respektuar unë veten time. Besoj se ka qenë dashuria më e madhe e jetës time.
Ester Bylyku: Pse mbaroi?
Ina Kollçaku: Eee tani…nëse do e thoja do më marrë në telefon dhe do tradhëtoja Gerin.
