Coronavirusi në Spanjë ka pasur një efekt tepër negativ, duke e bërë këtë shtetet një nga më të prekurit në botë. Për pasojë rifillimi i futbollit në Spanjë shihet akoma si i largët.
Optimizëm për rinisjen e La Ligës, kanë shfaqur drejtuesit e Federatës, të cilët kanë deklaruar vazhdimisht se sezoni do të përfundojë. I këtij mendimi nuk është mesfushori i Barcelonës, Sergio Busquets, i cili ka folur për “El Transistor”.
“Besoj se do të jetë e vështirë për të rifilluar futbollin. Unë mendoj se kjo gjë nuk do të ndodhë. Do të jetë e vështirë për arsyen e fluturimeve, të grumbullosh gjithë stafin. Këto gjëra do të jenë një problem”.
“Megjithatë besoj se si shtet kemi arritur pikun e pandemisë, kështu që në javët në vijim pres lajme të mira”.
