Rustu Reçber pak ditë më parë u lirua nga spitali pasi u shërua plotësisht nga coronavirusi. Ishte një sfidë e vështirë për ish-lojtarin e Barcelonës pasi në një moment mediat turke raportuan për përkeqësimin e shëndetit të tij.
Megjithatë gjithçka shkoi më së miri për të dhe tani ka thënë dhe fjalët e para në publik pas daljes nga spitali. Ish-portieri turk ka një falënderim për klubin e Barcelonës që sipas tij e ka ndjekur me shumë kujdes gjatë kësaj kohe.
“Më dhanë një mbështetje të madhe gjatë dhe pas sëmundjes sime. M’u transmetua mbështetja e presidentit Bartomeu. Në këtë momente, detajet e vogla nuk duhen harruar. Nuk do ta harroj kurrë atë që Barcelona bëri për mua, kur isha duke vdekur nga koronavirusi. Më dhanë jetë. Dua të shpreh falënderimet e mia të pamasë ndaj gjithsecilit dhe në veçanti presidentit Bartomeu”, u shpreh Rustu.
