Ditën e sotme do të mblidhet sërish Këshilli i Sigurisë Kombëtare për të analizuar situatën dhe masat e marra për frenimin e pandemisë globale të COVID-19. Presidenti i Republikës, Ilir Meta e ka thirrur mbledhjen për situatën e krijuar nga coronavirus, por pa dhënë detaje konkrete për përmbajtjen e saj.
Mbledhja do të zhvillohet sërish online ku në tryezën virtuale do të jenë sërish bashkë Kryeministri Edi Rama, Presidenti i Republikes, Ilir Meta dhe kreu i Partisë Demokratike Lulzim Basha.
Kjo është mbledhja e dytë e Këshillit të Sigurisë Kombëtare pas shpalljes së gjendjes së fatkeqësisë natyrore për shkak të coronavirus. Ministria e Shëndetësisë ditën e djeshëm ka konfirmuar se numri i të prekurve me COVID-19 në Shqipëri ka shkuar në 475.
