Menaxheri i Milot Rashicës, Altin Lala, e pranon se ka pasur kontakte me klube të ndryshme, dhe paralajmëron largimin e klientit të tij nga Werder-i gjatë verës që vjen.
Ish-futbollisti i kombëtares shqiptare, nuk e përjashton mundësinë që gjatë verës Rashica të transferohet në një klub më të madh.
“Para koronavirusit, ne ishim në kontakte me disa klube, përfshirë këtu ato nga Bundesliga”, deklaroi Lala për televizionin gjerman “Sport 1”.
“Për momentin, gjithçka ka mbetur pezull. Por, jam i sigurt se sapo të kthehemi në normalitet, do të ketë lëvizje në këtë drejtim. Diçka e mirë do të ndodh definitivisht”, ka shtuar Lala.
Klubi gjerman e vlerëson Rashicën 38 milionë euro, ndërsa interesim për kosovarin kanë shfaqur shumë skuadra, si Borussia Dortmund në Bundesliga por edhe Aston Villa, West Hami dhe Wolverhampton në Premier Ligë.
