Lojtarët e Juventusit, Paulo Dybala dhe Daniele Rugani, kanë rezultuar negativ për COVID-19 në testin e parë.
Dyshja, së bashku me shokun e skuadrës, Blaise Matuidi, ishin ndër të parët në Serie A, që rezultuan pozitiv për Coronavirus, duke e detyruar ekipin të kalonte i gjithi në karantinë.
“Gazzetta Dello Sport”, tani raporton se dy prej lojtarëve, Paulo Dybala dhe Daniele Rugani, kanë testuar negativ në provën e parë, ndërsa për të konfirmuar gjithçka pritet rezultati i testit të dytë.
Nga ana tjetër, Matuidi, është akoma në vetëizolim, dhe në mënyrë të pashmangshme do të testohet nëse e ka kaluar sëmundjen në ditët në vazhdim.
