Ardjan Mema, ishte trajneri i Tiranës në fillimin e këtij sezoni. Gjithsesi ecuria negative e skuadrës nën drejtimin e tij, bëri të mundur që drejtuesit e klubit të përfundonin bashkëpunimin me teknikun 48-vjeçar.
Drejtimin e skuadrës e mori Emanuel Egbo, nën udhëheqjen e të cilit skuadra befasisht ndryshoi formë dhe tashmë Tirana është pretendentja numër 1 për titullin kampion.
Gjithsesi meritë për këtë sukses siç e ka theksuar edhe vetë në një intervistë të fundit, ka edhe Ardian Mema, i cili ishte ai që zgjodhi pjesën më të madhe të këtij kontigjenti që po e çon Tiranën drejt suksesit.
Në prononcimin e tij, Mema është shprehur:
“Tirana ka bërë një sezon fantastik, sidomos në ndeshjet e funidt. Merita i takon trajnerit Egbo dhe lojtarëve. Tirana realisht është me një dorë te titulli. Asgjë nuk ka përfunduar pasi matematikisht ende nuk janë shpallur kampionë. Kjo ndalesë i prishi punë, por besoj ka shkëputjen e nevojshme dhe si njeri i familjes dua që ta marrim titullin. Futbollit asnjëherë nuk i dihet pasi parashikimet jo gjithmonë janë të sakta”.
“Që ta ndjesh veten pjesë të suksesit duhet të jesh edhe vetë aty. Unë e dua me zemër Tiranën dhe kjo më bën krenar që seleksionova lojtarët. Më vjen keq që nuk e nisa dhe ta përfundoj deri në fund, edhe unë kam atë pjesën time. Unë gjithmonë një sy dhe një vesh do e kem te ai ekip, besoj shumë te Tirana”. – ka thënë Mema ndër të tjera.
