Mesfushori i Veronës, Emmanuel Agyemang Badu, së fundmi ka kaluar gjëra mjaft të rënda që askush sdo të donte t’i përjetonte.
29-vjeçari muajin e kaluar humbi motrën e tij, e cila u qëllua me armë dhe mbeti e vdekur. Badu, i cili për vite të tëra ka luajtur me Udinese, pati edhe vetë një problem shëndetësor që i rrezikoi jetën.
Për këto dy episode në jetën e tij ai ka folur për “BBC World Service”.
“Vetë gati sa nuk vdiqa, dëmtimet ishin të shumta dhe pastaj humba motrën time në një mënyrë shumë të dhimbshme. Është shumë e vështirë për mua dhe familjen time. Djali që vrau motrën time është akoma i arratisur. Policia ende nuk e ka arrestuar, për shkak të situatës së krijuar nga virusi. Ishte një katastrofë”, shton 29-vjeçari.
Mesfushori rrëfen edhe momentin tjetër të vështirë që pati: “Mëngjesin pas një ndeshjeje, shkova të stërvitem në palestër. Atë natë u ktheva në shtëpi dhe kisha vështirësi në frymëmarrje. Nuk e mora seriozisht në fillim, mendova se ishte nga lodhja. Në mëngjes më dhanë ca qetësues për dhimbjen. Natën tjetër ishte edhe më keq”.
“Në orën 2 të natës e thirrma mjekun dhe fatmirësisht ai ishte zgjuar. Ai dërgoi një fizioterapist, i cili ishte afër meje. Ai erdhi dhe më që duhet të shkonim direkt në spital. Doktorët zbuluan se kisha një mpiksje gjaku në mushkëri. Duhet të ndaloja së luajturi futboll për 3-4 muaj. Ishte shumë serioze. Po të mos telefonoja mjekun, do kishte qenë katastrofë”
Në fund Badu e ka mbyllur duke falënderuar të gjithë ata që I kanë qëndruar pranë në këto kohë të vështira. “Më duhet të falënderoj familjen, shokët skuadrën dhe agjentin tim. Trajneri më ka telefonuar çdo ditë të më pyesë si jam. Të njëjtën gjë ka bërë edhe presidenti dhe menaxheri i ekipit. Të gjithë kanë qenë të mrekullueshëm. Pa ata, do të kishte qenë një katastrofë”.
