Hailey Bieber ka zbuluar se vuan nga dermatiti perioral, ndërsa bashkëshorti i saj Justin është duke pasur akne të shumta.
Modelja mund të duket se ka një fytyrë tejet të shëndoshë, por përmes disa fotografive ajo ka treguar të metat në lëkurë.
Ajo ka rrëfyer për Glamour se kjo sëmundje karakterizohet me skuqje inflamatore rreth gojës dhe preferon të përdorë përbërës dhe produkte minimale në fytyrën e saj.
“Unë kam dermatit perioral, kështu që produkte të caktuara irritojnë lëkurën time, duke më dhënë një skuqje të tmerrshme kruajtëse rreth gojës dhe syve” – është shprehur modelja.
“Unë filloj me pastrimin dhe larjen, pastaj vendosjen e një serumi dhe hidratuesi. Nëse kam më shumë kohë gjatë natës, vë një maskë për fytyrën ose hidratues shtesë”– ka treguar 23-vjeçarja.
Hailey gjithashtu tregoi për Justin dhe problemet me akne, por që sipas saj, përmes disa produkteve kanë filluar të largohen.
Çifti janë aktualisht të izoluar për shkak të pandemisë coronavirus, ata gjenden në rezidencën e tyre në Kanada.
