Ministria e Shëndetësisë konfirmoi sot 19 raste të reja me koronavirus, duke e çuar në total 494 numrin e të prekurve. Një prej rasteve të reja ishte në Elbasan.
Rasti i ri është bashkëshorti i punonjëses së bankës, e konfirmuar si e infektuar disa ditë më parë.
Mësohet se 53-vjeçari ka dalë pozitiv në testin e dytë, pasi në të parin rezultoi negativ. Ndërkohë, të infektuara janë po ashtu edhe dy vajzat e tij.
Në total në Elbasan deri më tani janë 16 raste të konfirmuara me koronavirus.
