Koreja e Jugut ka identifikuar një numër në rritje të njerëzve që pas shërimit nga koronavirusi janë provuar përsëri pozitivë, duke shtuar frikën se virusi është i aftë të godasë të njëjtin person më shumë se një herë. Qendra Koreane për Kontrollin dhe Parandalimin e Sëmundjeve (KCDC) raportoi dje për 124 raste “të përsërituara” të Covid-19.
Mjekët po hetojnë urgjentisht nëse mutacionet e virusit mund të përballohen nga imuniteti që kanë fituar pacientët. “Virusi do të ndahet dhe inkubohet, dhe gjenet natyrisht do të analizohen. Ne po shohim nga afër ndryshimet e mundshme gjenetike të tij,” tha zëvendësdrejtori i KCDC, Këon Jun-Wook.
Me 460,000 njerëz të shëruar në të gjithë botën, numri i pacientëve të infektuar për së dyti në Korenë e Jugut është i vogël, dhe mjekët paralajmërojnë se në mungesë të një studimi sistematik është shumë herët të dilet në përfundime.
Shumica e ekspertëve dhe autoriteteve shëndetësore janë duke punuar duke supozuar se ata që kanë marrë virusin krijojnë imunitet ndaj tij, i cili me kalimin e kohës e zvogëlon rrezikun. Por rikthimet në Korenë e Jugut tregojnë se sa r panjohur është kjo sëmundje.
E pyetur nëse kishte frikë nga një valë e dytë infeksionesh, Kang Kyung-Wha, ministre e jashtme e Koresë së Jugut, pranoi se “nga të kuruarit plotësisht, disa prej tyre u testuan pozitivë pas disa ditë pas”. Ajo theksoi se arsyeja pse pacientët dalin pozitivë për herë të dytë ende nuk është plotësisht e njohur.
Një shpjegim mund të jetë edhe testimi i gabuar. Pacientët në fjalë mund të jenë gjetur pozitivë kur në të vërtetë ata nuk ishin infektuar akoma nga virusi, ose testi i dytë mund të jetë i gabuar.
Koreja e Jugut është vlerësuar për programin e saj të testimit në masë. Këtë javë ajo po dërgon në SHBA 600,000 komplete testimi pas një kërkese të Presidentit Trump.
Testet standarde të përdorura për të zbuluar virusin mbështeten në identifikimin e fragmenteve të caktuara të materialit të tij gjenetik. Rezultatet e gabuara mund të vijnë nga tamponët që marrin materialin në hundën ose fytin e një personi. KCDC nuk hyri në detaje në lidhje me faktin nëse pacientët e gjetur të infektuar për së dyti shfaqnin simptoma të rinovuara të sëmundjes.
“Mjekët po hetojnë nëse shkak i ri infektimit është virusi që riaktivizohet apo kemi një marrje të re nga jashtë të virusit,” tha Jeong Eun-Kyeong, drejtori i KCDC. Koreja e Jugut njoftoi dje 27 infeksione të reja, duke e çuar totalin në 10.564. Ishte dita e dytë radhazi që rastet ishin nën 30. Vendi shkon sot në votime për të zgjedhur në epokën e koronavirusit, 300 anëtarët e asamblesë kombëtare.
