Ditën e sotme (e martë, 14 prill) në territorin shqiptar rikthehen reshjet e shiut.
Sipas MeteoAlb, vendi ynë do jetë me kthjellime dhe vranësira gjatë paradites. Por në orët në vijim vranësirat do të shtohen duke sjell reshje shiu, ku më të dukshme do të jenë në zonat Qendrore dhe Veriore. Në orët e mbrëmjes do të ketë dhe prezencë të pakët të reshjeve të dëborës në zonat e thella malore.
Temperaturat e ajrit do të ulen në mëngjes dhe në mesditë duke regjistruar vlerën minimale në qytetin e Pukës me 3°C, ndërsa vlera maksimale do të shënohet në qytetin e Durrësit me 21°C.
Era do fryjë e lehtë në tokë dhe mesatare në det me shpejtësi 55 km/h nga drejtimi Jugorë duke krijuar dallgëzimin 5 ballë.
