Tre persona janë arrestuar dhe katër të tjerë janë proceduar penalisht nga shërbimet e policisë në 24 orët e fundit.
Dy persona janë arrestuar për shkak se janë konstatuar duke drejtuar mjetin në gjendje të dehur. Bëhet fjalë për shtetasin A. A. në Tiranë dhe shtetasin E. Ç. në Durrës.
Në Tiranë është arrestuar dhe shtetasi R. K. për mosbindje ndaj urdhrit të policisë, të cilit iu gjet dhe sekuestrua dhe një sasi lënde narkotike cannabis sativa.
Po në Tiranë është proceduar shtetasi K. L., pasi nuk i është bindur urdhrit të punonjësit të Policisë për verifikim.
Në Berat është proceduar penalisht shtetasi P. L., pasi është konstatuar duke drejtuar mjetin pa leje drejtimi.
Në Korçë janë proceduar penalisht shtetasit A. H. dhe A. H., banues në Korçë, pasi nuk i janë bindur urdhrit të Policisë së Rendit.
