Zi në futbollin brazilian. Thiago Cortes, lojtar i skuadrës braziliane, Guarany de Bagé, ka ndërruar jetë në moshën 22-vjeçare.
Lojtari, ishte rikuperuar së fundmi nga një dëmtim i gjurit dhe kishte shkuar në spital për një seancë fizioterapike. Gjatë procedurës ai është ndjerë keq dhe ka ndërruar jetë.
“Globo Esporte” raporton se Kortes, pas ekzaminimeve mjekësore të bëra më parë me klubin e tij, nuk kishte shfaqur asnjë problem dhe shkaqet pse ai vdiq ende nuk janë zbuluar.
