Bernd Schuster, një ish-mesfushor dhe trajner i shquar gjerman, u intervistua nga “El Transistor” për të folur rreth temave të nxehta që lidhen me futbollin spanjoll dhe emergjencën e Covid-19.
Në një kohë ku të gjithë aktorët e futbollit, shfaqen pozitivë në rifillimin e kampionateve dhe po planifikojnë gjetjen e zgjidhjeve për ta bërë këtë, Schuster del kundër rrymës dhe deklaron që sezoni mund të quhet i mbyllur.
Rifillimi i La Ligës? “Nuk kam asnjë shpresë se ndonjë ndeshje do të zhvillohet për të përfunduar sezonin. Për mua, sezoni tashmë duhet të ishte konsideruar i mbyllur, ajo që ndodh është se askush nuk po ka guximin për të marrë këtë vendim. Unë pastaj nuk e kuptoj dot futbollin me dyer të mbyllura,” theksoi ai.
Bernd Schuster e ka fituar La Ligën dy herë si lojtar përkatësisht me Barcelonën dhe Realin e Madridit dhe një herë si trajneri i “Los Blancos” në sezonin 2007-2008.
