Ish-sulmuesi i Sampdorias dhe Juventusit, Gianluca Vialli, ka fituar betejën e gjatë që ka pasur me sëmundjen e kancerit.
Vialli njoftoi se do t’i nënshtrohej radioterapisë dhe kimioterapisë në nëntor të vitit 2018, ndërsa pas rreth 17 muajve, ai ka lënë pas sëmundjen.
Ish-lojtari i kombëtares italiane, e konfirmoi vetë lajmin pozitiv në një intervistë për “La Repubblica”.
“Unë jam mirë. Testet nuk tregojnë më shenja të sëmundjes. Jam i lumtur”. – ka thënë duke qeshur Vialli.
Vialli, gjithashtu, foli për situatën e tij aktuale, por edhe krizën globale të “Coronavirus”, duke e quajtur veten me fat që e kaloi sëmundjen.
“Të jesh i lumtur do të thotë ta shoh veten në pasqyrë, të shoh okët e mia të rriten, të mos më bien edhe vetullat. Ndihem me fat, mendoj për ata që janë dërguar në spitale dhe po vdesin të vetmuar nga “Coronavirus”. Është një moment i tmerrshëm. Do të jetë fantastike kur të kthehet sporti. Emocionet dhe kujtimet do të na ndihmojnë të rikthehemi plotësisht në jetën tonë normale”.
Gianluca Vialli ka fituar një numër të madhe trofesh në karrierën e tij. Ai është shpallur dy herë kampion i Serisë A, përkatësisht me Sampdorian dhe Juventusin, ndërsa është fitues edhe i Ligës së Kampioneve me bardhezinjtë në sezonin 1995-1996.
