Në fund të qershorit 2020, periudha e huazimit e Achraf Hakimit te Borussia Dortmund përfundon, por e ardhmja e mbrojtësit të krahut të djathtë në pronësi të Real Madridit, është akoma e paqartë.
Përpara se sezoni të ndërpritej prej coronavirusit, Hakimi po kalonte një sezon fantastik me verdhezinjtë, dhe për këtë arsye te Reali mund të mendojnë për rikthimin përfundimtar të marokenit.
Gjithsesi duke folur për radion sportive spanjolle “El Larguero”, ditën e djeshme Hakimi deklaroi: “Në qershor do të më duhet të marr një vendim dhe do të jetë një hap i madh në karrierën e time. Deri më tani nuk kam pasur asnjë kontakt me Real Madridin rreth vitit të ardhëm”.
Ashtu si me shumicën e vendeve evropiane, Gjermania ka implementuar rregulla të rrepta për distancimin shoqëror, por kjo nuk i ka ndaluar lojtarët të stërviten me ekipet e tyre, edhe pse të diferencuar dhe me grupe të vogla.
“Ne stërvitemi në grupe, nga katër deri në gjashtë vetë,” shtoi Achraf . Këtu në Dortmund gjërat janë më të qeta se në Madrid. Na lejojnë të shkojmë në supermarket dhe të stërvitemi. Ka disa njerëz në rrugë por duhet thënë që gjithçka është e kontrolluar dhe e kufizuar”.
