Një mësuese me origjinë shqiptare në Itali raportohet se ka humbur jetën ditën e sotme nga Covid-19, në qytetin Lodi në afërsi të Milano.
Sipas Dosja.al, bëhet fjalë për Shpresa Reçi (Allkanjari), e cila nuk mundi që të fitonte betejën me koronavirusin.
69-vjeçarja, nëna e tre fëmijëve kishte emigruar nga Golemi i Kavajës në vitin 2000 drejt Italisë për një jetë më të mirë por për fat të keq ndërroi jetë nga pandemia që ka pushtuar botën. Mësohet se në gjendje të rëndë shëndetësore për shkak të Covid-19 është edhe bashkëshorti i saj.
