Kompania OSHE njofton se do të zgjasë orarin e pagesave të energjisë elektrike pranë pikave të saj.
Me anë të një njoftimi, bëhet me dije se se shërbimet do të zgjaten deri në orën 17:30 duke filluar nga dita e hënë.
“Furnizuesi i Shërbimit Universal njofton se qendrat e Kujdesit ndaj Klientit dhe Arka do të ofrojnë shërbim prej ditës së Hënë në orarin 06:00 – 17:30”, njofton kompania.
Oraret e reja janë të lidhur me fashën e re të lëvizjes e cila zgjatet nga ora 13:00 deri në 17:30, ndërsa qytetarët do të kenë të drejtë që brenda orarit të lejuar të kryejnë pagesa ose pazare jo më shumë se 90 minuta.
