Klubi i Real Sociedad ka lajmëruar se lojtarët e tyre do të rikthehen në stërvitje në datën 14 prill.
Skuadra baske, gjithashtu sqaroi se seancat stërvitore do të zhvillohen në mënyrë individuale dhe të shpërndarë gjatë ditës.
Qeveria Spanjolle ,ka bërë të ditur se të gjithë ata që nuk mund të punojnë nga shtëpia, të rikthehen në punë të hënën dhe skuadra e Real Sociedad beson se kjo vlen edhe për ta.
“Pasi qeveria mori vendimin të lejojë punëtorët që nuk mund të operojnë në shtëpi të kthehen në punët e tyre, lojtarët e skuadrës së ekipit të parë do të kenë mundësinë që të vazhdojnë me stërvitjen e tyre individuale në Zubieta duke filluar nga e marta,” – thuhet në një deklaratë të Real Sociedad.
