Pandemia e koronavirusit ka përfshirë globin dhe tani mbulon çdo kontinent, përveç Antarktidës.
Italia ishte vendi i parë evropian që vuante barrën e krizës dhe rrjedhimisht po sheh dritë në fund të tunelit më herët se të tjerët.
Për sa i përket futbollit, media të ndryshme italiane raportojnë, se lojtarët në Serinë A do të rifillojnë stërvitjen më 4 maj, ndërsa ndeshjet priten të rifillojnë në fillimin e qershorit.
Sidoqoftë, ndeshjet e mbetura do të luhen me dyer të mbyllura dhe kjo është një situatë që mund të zgjasë më gjatë nga çfarë pritej.
Sipas “Sport Mediaset”, dokumente sekrete të qeverisë tregojnë se tifozët nuk do të lejohen në stadiumet italiane deri në janar të vitit 2021.
