Prej disa kohësh tashmë përflitet se Barcelona po bëhet gati për t’i rrëmbyer Interit, sulmuesin Lautaro Martinez.
Duke folur për këtë temë, Alberto Yaque, agjenti i Lautaro Martinez, ritheksoi se nuk ka akoma negociata konkrete mes Barcelonës dhe klientit të tij.
“Pas komplimenteve të Messit për Lautaro kam marrë një mijë mesazhe, por klienti im është mirë në Milano, tek Interi. Ai thjesht dëshiron të luajë dhe të shënojë sa më shumë gola”. tha ai për “Planeta 947”.
A ëndërron Lautaro të luajë me Messin? “Kush nuk do ta pëlqente këtë gjë. Kur më tregoi për ndeshjet e ekipit kombëtar, Martinez tha se ishte një ëndërr për të, aq i ri, duke luajtur me Argjentinën dhe Messin. Megjithatë, nuk ka shtuar më tepër, sepse është një djalë shumë i rezervuar. Nëse do ta pyetnim se ku do dëshironte të luante, ai nuk do të përgjigjej”.
