33 raste të reja me COVID-19 janë konfirmuar në 24 orëshin e fundit në Kosovë, duke e çuar në 283 numrin në total të të infektuarëve.
Shifrat janë bërë publike nga Instituti Kombëtar i Shëndetësisë Publike në Kosovë, i cili thekson se nën mbikëqyrje janë 4.273 kontakte të rasteve të konfirmuara me koronavirus.
Ndërkohë që 7 pacientë kanë humbur jetën.
33 rastet e fundit janë kontakte të të prekurve, njëzet prej tyre në Prishtinë, tre në Prizren, tre në Viti, nga dy në Mitrovicë të veriut dhe Skenderaj, si dhe nga një në Suharekë, Zubin Potok dhe Zveçan.
Nga data 8 shkurt deri më 11 prill janë testuar gjithsej 3.006 mostra të dyshimta në virusin SARS-CoV-2.
Ndërkohë pas rritjes së numrit të të infektuarve me koronavirus në Prishtinë, autoritetet kanë marrë vendim për futjen e kryeqytetit të Kosovës në karantinë. Hyrjet dhe daljet do të jenë të ndaluara ashtu sikuse edhe grumbullimi i më shumë se dy personave afër njëri -tjetrit.
