Giorgio Chiellini është afër zgjatjes së kontratës së tij aktuale me Juventusin që do ta lidhë atë me klubin të paktën për dy vjet të tjera.
“Corriere della Sera”, pretendon se Chiellini së shpejti do të firmosë marrëveshjen e re me gjigandët e Torinos deri në verën e vitit 2022.
Tani në moshën 35 vjeçare, e ardhmja e mbrojtësit të bardhezinjve, kishte qenë në diskutim për faktin se marrëveshja e tij aktuale skadon në fund të qershorit.
Dëmtimi i rëndë që pësoi në ligamentin e gjurit në fillimin e sezonit rriti dyshimet për rinovimin e kontratës, por klubi ka vendosur ta mbajë në skuadër legjendën e tyre.
