“Veliaj prodhon postera për ti vendosur në stacionet e autobusit ndërkohë që ka ndaluar qarkullimin e qytetarëve me autobus.”
Kështu deklaron zëdhënësja e PD-së Ina Zhupa në lidhje me posterat e vendosura nga bashkia e Tiranës në stacionet e urbaneve në kryeqytet.
Në një postim në rrjetet sociale, Zhupa shkruan se një poster kushton rreth 100 euro dhe Veliaj ato para mund t’i përdorte për të ndihmuar familjet në nevojë në këtë kohë pandemie.
Sipas saj kjo tregon se për kryebashkiakun e Tiranës ka më shumë rëndësi propaganda se qytetarët.
Postimi i plotë:
Nëse po e sheh këtë poster dije që Veliaj po shpërdoron paratë e tua!
Veliaj prodhon postera për ti vendosur në stacionet e autobusit ndërkohë që ka ndaluar qarkullimin e qytetarëve me autobus.
Kjo fushatë e harxhimit të fondeve publike është rast i paster ku mund të shikojmë sesa propaganda ka më shumë rëndesi së ndihma ndaj qytetarëve.
Rreth 100 euro kushton një poster i tillë, dhe disa dhjetra janë vendosur nëpër Tiranë. Këto para fare mirë mund të përdoreshin për familjet në nevojë, për familjët me invalid, për familjët me pensionist, për pastrimin dhe dezifektimin e qytetit.
Por jo, zgjedh që të përdoren për postera në stacionet e Tiranës kur njerëzit qëndrojnë në shtëpi pa e ditur si do e përballojnë ditën.
